Vanglaini - Ramchhung

KHAWTHLIR

Hmalak tum dan inhrilhfiah

January 1, 2016 aṭanga August 31, 2018 inkar chhunga Serchhip district aṭanga sorkar hnathawk pension a chhuakte chu nimin khan Serchhip Sub-Hqrs. YMA Office conference hall-ah inhmukhawmin 7th Pay anga Pension benefit an lak theihna tura Court-ah kala hmalak an tum chungchang inhrilhfiahna neih a ni. He hunah Confined Pensioners Committee (CPC) chu Serchhip district huap tura din nghal niin hruaitu tur pawh an insiam nghal.

Self Determination Day an hmang

Mizo hnam aiawhten kum 73 kal ta, July 20, 1946-a ‘Mahnia ro inrel' an lo rêl tawh hriatreng nan July 20, Inrinni khan Sikulsen (Boys ME School), Sikulpuikawn tualah hun hman a ni a, parva nupa leh balloon 73 chhuah a ni.

Thisen pe

Champhai Venglai Branch KṬP chuan July 20, Inrinni khan an Kohhran Hall-ah blood donation camp an huaihawt a, Champhai District Hospital tan thisen unit 37 an pe a, a petute mipa 28 leh hmeichhia pakua an ni.

Pre-recruitment

Aizawla Assam Rifles-te chuan AR 23 Sector/IGAR (East) kaihhruaina hnuaiah kumin June 17 aṭanga July 20 chhung khan sipai ṭang duh Mizo ṭhalai mipa leh hmeichhiate tan Aizawlah pre-recruitment training an buatsaih. Training-ah hian Mizo mipa 60 leh hmeichhia 40 an telin, physical leh academic lama pawimawhte zirtir an ni a; November 18-21, 2019 chhunga Aizawla Army/Assam Rifles recruitment rally neih tur leh hmeichhe tan bik September 9-10, 2019 chhunga 58 GTC, Shillong-a recruitment rally neih tur atana inbuatsaihna a ni.

Zirtirtute Ni

School Education minister leh State Level Working Committee chairman Lalchhandama Ralte hoin nimin khan a pisaah kumin September 5-a Zirtirtute Ni hman dan tur an rêl a; zirtirtu damlo kanna zat chu tihpun an remti. Meeting-a rel a nih dan chuan zirtirtu damlo harsa zualte tualchhung damdawi-ina inenkawlna ṭanpui nan Rs. 7,000 chu Rs. 10,000-ah tihpuna a ni a, phaia kalpui ngaite

ṭanpuina Rs. 10,000 pek ṭhin chu Rs. 15,000-ah tihpun a ni.

DAWNTISEI

Chandrayaan-2 hlawhtling takin kapchhuak

Indian Space Research Organisation (ISRO) chuan nimin khan hun rei tak ata tawha project liana an neih, Chandrayaan-2 chu hlawhtling takin an kapchhuak.

Karnataka Speaker-in Congress MLA helte a ko

Tangrual sorkar chuan MLA hel, speaker hnena banna thehlutte disqualify turin speaker hnenah ngenna an thlen

Indian Navy-in 5th Dornier aircraft squadron commission

Chief of naval staff Admiral Karambir Singh-a'n 5th Indian Naval Air Squadron (INAS) hi a commission

Chandrayaan-2 hlawhtling takin kapchhuak

Karnataka Speaker-in Congress MLA helte a ko

Indian Navy-in 5th Dornier aircraft squadron commission

Monday, 22nd July 2019

Delhi CM hlui Dikshit vuiliam a ni

TMC leader-te BJP a lut tura sawm an ni

Vawiinah Karnataka sorkar fiah tum leh dawn

Lui 34 thenfaina atan Rs vbc 5,800 ruahman

Health Ministry-in Antibiotic - Colistin hralhchhuah khap