Health Ministry chuan mihring tana hlauhawm thei thil avangin antibiotic - Colistin damdawi leh Colistin aṭanga siam chu ar chaw, sangha chaw leh ran taksa tih lenna 'supplement' siam nana hman leh hralhchhuah a khap. 

Khapna hi sorkar laipuiin Pathianni khan a tichhuak a, Drugs and Cosmetic Act, 1940 tlawhchhanin khapna hi siam a ni. 

Colistin chungchanga khapna hi damdawi lama sorkar laipui top advisory body - Drug Technical Advisory Board (DTAB)-te ngenna vangin sorkar hian a siam. Ministry hian hralhchhuah a nih dawn pawhin a kawmah- ran chaw siam nan hman phal loh, tih leh a hman dan turte langsar taka ziah tur tiin thu a chhuah bawk.

Colistin hi ran damdawi-in a ran enkawlna antibiotic atana siam a ni, mahse ran chaw siamnaah telh a ni ve bawk. Khapna siam a nih chhan pakhat pawh ar chaw siamnaa hman ṭhin duh lohna vang a ni. Sorkar thuchhuah hian Colistin chu hri danna anga hman tur pawh a veng tel a ni. 

Share this Post