Karnataka-a rorellai, Congress-Janata Dal (United) ṭangrual sorkar fiahna, floor test neih tur chu tihkhawtlai zel a ni a, vawiin hian sorkar hi fiah tura tih leh a ni. 

Ṭangual sorkar MLA 16-ten banna an thehluh hnu leh, indepen­dent MLA-ten sorkar an thlawpna an hnuhdawh avangin sorkar hian majority a nei pha tawh lo nia sawi a ni. Mahse chief minister HD Kumaraswamy chuan sorkar dinhmun a derthawng lo nia sawiin, fiah an cho thu a sawi. Amah ngeiin house-ah sorkar fiahna tur motion hi a pulut a, mahse vote la thei loin tihkhawtlai zel a ni. 

Governor Vajubhai Vala chuan kar kal ta Zir­tawpni khan Assembly speaker Ramesh Kumar hnenah Zirtawpni zan khan vote la fel tawh turin a ti. Mahse speaker hian governor thupek hi zawm duh loin debate a neih chhunzawm tir a, vote la loin vawiin thleng atan inkhawm pawh a titawp nghal bawk. 

Vawiina assembly inkhawmah trust vote hi la ngei tawh tura tih a ni a, senior Congress leader HK Patil chuan vote lak a nih pawhin Congress-JDS ṭangrual sorkar chuan fiahna hi a paltlang ngei dawn tih a sawi. MLA helte pawhin sorkar hi an thlawp leh dawn niin a sawi. 

Share this Post