Environment Ministry chuan state 16-a lui 34 thenfaina turin cheng vaibelchhe 5,800 chuang ruahman a nih thu a sawi. 

National River Conser­vation Plan (NRCP) hnuaia cheng vaibelchhe 5,800 sanction aṭang hian sorkar laipui chuan a share, cheng vaibelchhe 2,522 chu state ho hnenah hian a pe tawh tih minister of state for environment Babul Supriyo chuan a sawi a ni. 

Minister chuan," State hrang hrang aṭangin lui thenfai hna kalpui dan turah project proposal pawh kan dawng tawh a ni," a ti. 

Nikum khan National River Conser­vation Plan hnuai­a lui thenfaina atan hian state pakua hnen­ah cheng vaibelchhe 143 pek a lo ni tawh bawk. 

Central Pollution Control Board (CPCB) chuan State Pollution Control Board-te thawhpuiin, lui bawlhhlawh leh bawlhhlawh lohte hi an endik fo ṭhin. 

Share this Post