Vanglaini - TMC leader-te BJP a lut tura sawm an ni

KHAWTHLIR

Thisen pe

Inrinni khan ṬKP, Zemabawk bialte'n Aizawl Civil Hospital tan thisen unit 41 an pe a, petute mipa 35 leh hmeichhia paruk an ni a; Dawrpui Vengthar West Branch KṬP-in Synod Hospital Blood Bank tan unit 29 pein, a petute mipa 24 leh hmeichhia panga an ni. Lunglei Civil Hospital tan Adventist Youth Federation, Lunglei-in unit 28 pein, mipa 22 leh hmeichhia paruk an ni a, Theiriat PYD member mipa 10 leh hmeichhia pahnihte'n unit 12 an pe. Chawnhu Unit ṬKP-in Lawngtlai District Hospital tan unit 19 an pe a, petute mipa 15 leh hmeichhia pali an ni a; Tlungvel MSU-in Aizawl Civil Hospital-ah unit 12 an pe bawk.

Lehkhabu tlangzarh

Lalramliana leh Lalrinfeli Khiangte te lehkhabu buatsaih, 'Hrawva, Father of Mizo Poetry' tih chu July 20, Inrinni khan Social Welfare minister Dr K Beichhua'n Aijal Club-ah a tlangzarh. Lehkhabu hi Synod Bookroom hrang hrang, RL Nuteii Bookstore, Zomi Book Agency, LP Book Store-ahte lei theih a ni.

Reduction sale

Synod Bookroom chuan July 8-13, 2019 chhung khan Reduction Sale an nei a, an hmunpui leh Mizoram hmun hrang hranga an branch aṭanga

sale chhung sum an hmuh zawng zawng chu Rs. 1,10,48,132 a ni a, nikuma Reduction Sale-a sum hmuh Rs. 98,71,723 aiin kuminah Rs. 11,76,409-in an hmu tam zawk a ni.

Minister-in tlawh

Minister C Lalrinsanga chuan nimin khan Lunglei khawpui chhunga a department Agriculture, Irrigation & Water Resources leh Cooperation pisa-te a tlawh a, thawktute an hmalakna leh harsatna an neihte a sawipui. C Lalrinsanga chuan, sorkar hnathawkte chu hmel hlim leh rilru inhawng taka anmahni dawrtute dawngsawng

ṭhin turin a chah.

Mipui ngen

UDPA dept. chuan thuchhuah siamin, khawpui a lo fai a, kan lo thianghlim zawk theih nan mipuite chu toilet (ek-in) emaw community toilet (vangtlang ek-in) ah inthiar ṭhin tur an ngen a, “He thupek zawm duh loa daia inthiarlui hmu leh man te chu Rs. 100 zel chawi tir an ni

ang,” an ti.

DAWNTISEI

TMC leader-te BJP a lut tura sawm an ni

West Bengal chief minister Mamata Banerjee chuan, an party Trinamool Congress MLA-te chu Central agency-ten BJP-a lut tura an sawm thu a sawi.

Trinamool MLA an thlemte chu BJP an zawm loh chuan chit fund kaihhnawihah jail tantirahte an vau a ni. Banerjee chuan BJP chuan Trinamool Congress MLA-te chu BJP an zawm chuan, cheng vaibelchhe hnih pek an tiam bakah, petrol pump pekte an tiam bawk, a ti.

TMC hruaitu Mamata Banerjee chuan, Martyrs' Day rally neihnaah, BJP chuan rampawn lama sum chheprelhte chu a lakir thei lo a nih chuan TMC chuan July 26-ah rampum huap a nawrh an huaihawt tur thu a sawi. Central-a sorkarna chelh mektu BJP hi chu kumhnih aia rei an sorkar a rin loh thu Mamata chuan a sawi bawk.

Mamata-i hian Bangla nationalism hmanga West Bengal mipuite a chawh phur lai mekin, BJP lam hian TMC MLA-te hi pawisa hmanga lei chhuah an lo tum ve mek bawk a ni, a ti.

Share this Post

Login to comment

No Comments