Vanglaini - Hmarchhak

KHAWTHLIR

Who's Who-ah Mizo

Republic HSS-a lecturer Lalhmingmawia Ralte chu Rifacimento International, New Delhi-in Asia Pacific Who's Who, 2019 (Volume Seventeenth) a buatsaihah a telh a, phek 336-naah langin, a chanchin tlangpui tarlan a ni. Lalhmingmawia Ralte hian National Award for Teacher pawh a lo dawng tawh a ni.

RMSA-a thawkte'n lawmthu an sawi

Mizoram RMSA Employee Welfare Association (MIREWA) chuan thuchhuah siamin, Centrally sponsored scheme hnuaia School Education department-a thawkte'n mumal zawka hlawh an lak ve theih tâk avangin lawmawm an tih thu an tarlang a, "Education Minister leh a hnuaia thawktute leh Finance-a thawkte chungah lawmthu kan sawi," an ti.

Êng awm dawn lo

Vawiin chawhma dar 10 aṭanga chhun dar 1 inkarah 33KV Tlangnuam Sub-Station-ah hna thawh a ni dawn a, chuvang chuan Aizawla veng

ṭhenkhatin kawlphetha an hmu dawn lo. Power hmu lo tur vengte chu - Tlangnuam, Kulikawn, Thakthing, Mission Veng, Mission Vengthlang, Khatla, Melthum, Saikhamakawn, Hlimen, Lawipu, Maubawk leh Reiek te an ni.

Thisen pe

Sakawrtuichhuna awm Border Security Force (BSF) 90 battalion chuan nimin khan Aizawl Civil Hospital tan thisen unit 23 an pe.

Sorkar ràlna hlan

July 17, 2019 tlaia ṭêk tlain a den hlum, Laldintluangi (33), Dilkawn chhungte hnenah Mizoram sorkarin nimin khan khuarel chhiatnaa thite râlna (ex-gratia) Rs. 4,00,000 a hlan. Ràlna hi Mizoram sorkar aiawhin Champhai District Disaster Management Authority chairman Dr Naveen Aggarwal, district bawrhsapin Laldintluangi pasal Lalramnghinga hnenah a hlân a ni.

Minister-in hawng

Samaritan Association for the Blind-te'n Durtlanga mitdelte hawrawp chhutna kháwl an bun thar, Braille Press chu nimin khan Social Welfare minister Dr K Beichhua'n a hawng. Samaritan Association for Blind hi kum 1990-ah R Thanga hoa din a ni a, May 1, 2001 khan Special Blind School an din a ni.

Damdawi-in endik

National Health Mission team-te chuan nimin khan Champhai District Hospital tlawhin, supportive supervision an nei a; nau neihna leh nau piang hlim enkawlnate tlawhin, staff nurse-te'n record an siam dan leh nau piang hlim an enkawl dante an enfiah. NHM team hi state programme officer Dr Lily Chhakchhuak-in a ho a ni.

Civil Service Drive

Kolasib College-a Public Administration department chuan, nimin khan an college-ah Career Guidance on Civil Service Drive an buatsaih a, resource person MCS officer pahnih - K Zorammuana leh Gaston Vanlalhriatpuia ten civil service exam hmachhawn tura thil pawimawhte an sawi.

DAWNTISEI

Tuilianin a tihchhiatte siamṭhat nan Rs. vbc 1,000 ngai dawn

Assam tuilian vang hian mi 75 in nunna an chan tawh a, mi 2,00,525 vel hmun himah thiarchhuah an ni tawh bawk.

Rel hmangin Gangtok leh hmarchhak khawpui dang thlunzawm dawn

Shillong, Imphal, Kohima leh Aizawl te pawh kum 2020 ah rel kawng hian a pawh theih tawh beisei a ni.

Meghalaya ram chinah Bangladesh sipai lut Kawng siam titawp turin vau

kum 2011 khan India leh Bangladesh chuan kawng siamna tur hian inremna an lo siam tawh

Meghalaya-ah heroin cheng vaibelchhe khat hû man

ANTF chuan heroin neitu, Manipur mi Kimneikhol Khongai-i chu NDPS Act section 21 hnuaiah thubuai an siamsak nghal bawk.

Manipur-ah NEP 2019 meet hmang

He hunah hian Manipur education minister Thokchom Radheshyam chuan thu a sawi a, education policy ṭha neih a pawimawh thu a sawi.

Tuilianin a tihchhiatte siamṭhat nan Rs. vbc 1,000 ngai dawn

Rel hmangin Gangtok leh hmarchhak khawpui dang thlunzawm dawn

Meghalaya ram chinah Bangladesh sipai lut Kawng siam titawp turin vau

Meghalaya-ah heroin cheng vaibelchhe khat hû man

Manipur-ah NEP 2019 meet hmang

Thursday, 25th July 2019

NRC deadline thla khat dang pawtsei Sample enfiah erawh an remti lo

AP sorkarin kawngpui siam nan Rs vbc 39 pek belh

Eiruk vangin senior IAS officer man a ni

Manipur-ah darkar 24 awh bandh huaihawt