Lawngtlai District Level Coordination Committee on Regis­tration of Births & Deaths chu nimin khan an chairman Shashanka Ala, district bawrhsap hoin DC conference hall-ah an ṭhu a; nau piang leh mitthi chhinchhiah kawnga thil pawimawh hrang hrang an sawiho.

Shashanka Ala chuan, khua leh tui dik takte'n sorkar aṭanga hamṭhatna leh chanvo dik tak an chan theih nan nau piang leh mitthi chhinchhiah a pawimawh hle tih a sawi a, "Certificate hi khua leh tui dik takte chauh pek a nih theih nan leh certificate dik tak chauh pek a nih theih nan thuneitute insan mar a ṭul hle," a ti a; birth certificate pek chhuah kawngah khaw tina local registrar-te'n dik lo taka an tih loh nan leh sum siam nan hman an chin loh nan uluk taka vil turin District Research Office ((DRO)-a thawkte a chah.

Meeting-ah tarlan danin, kum 2018 chhungin local registrar-te kaltlanga nau piang chhinchhiah (certificate pek chhuah) zat chu 2,587 a ni a, mitthi chhinchhiah (certificate pek chhuah) 393 an awm.

DRO office aṭanga delayed birth certificate pek chhuah 226 leh delayed death certificate pek chhuah 13 a awm a; DRO office aṭang vekin a hmaa chhinchhiah tawh sa birth certificate pek chhuah nawn (re-issue) 500 leh death certificate pek chhuah nawn 10 a awm.

Share this Post