Kawnpui leh Sairang inkar, Mualkhang rama July 19, 2019-a leiminin NH-306 kawngpui a hnawh chu July 24, Nilaini tlai khan lirthei tlan tlang theiha then a ni a, tlai dar 5:30 aṭangin lirthei rit phur lote chu tlantir chhin an ni.

PWD hotute sawi danin, lirthei tangkhang a tam avangin lirthei rit phur lote an tlan tlang theih nan leimin chung lam chu laih zâwl a ni a, truck kal theihna tur chin laih zâwl zawh a nih hnuah Sairang lam aṭanga Kawnpui lam pan tur truck ruakte chu tlantir an ni.

Hetih lai hian, nimin chawhnu lama ruahsur avangin lirthei rit phur lo tan pawh kawng siam tlang tawh chu tlan tlang chi a ni tawh rih lo nia thu dawn a ni bawk.

Share this Post