Excise & Narcotics department (END) minister Dr K Beichhua chuan July 24, Nilaini tlai khan Kolasib-a Excise & Narcotics department hmun a tlawh a; thu sawiin, ruihhlo bâwih aṭanga Mizoram chhanchhuah chu mi tin mawhphurhna a nih thu a sawi.

Dr K Beichhua chuan, END staff-te chu zâm lo tura fuihin, "Pathian kan lamah a ding tlat a, in hnung lamah YMA member ṭhahnem tak ruihhlo do turin an awm reng a ni. Ruihhlo bâwih aṭanga kan ram chhan chhuah hi mi tinin mahni mawhphurhnaah i la 

ṭheuh ang u," a ti. 

END Minister chuan, END enforcement staff leh thil mamawh indaih lohna sorkarin a hriatpui thu sawiin, "Theihtawpin hma a la mek. Tun hnaiah enforcement staff post 33 lak phalsak kan ni tawh," a ti a; chief minister Zoramthanga'n END enforcement staff 55 lak belh a remtihsak leh tawh niin a sawi.

Thu sawitu dang Zoensanga, Kolasib DC chuan, Kolasib-a END mi leh sate chu district dang tana entawntlak ni khawpa hna thawk turin a ngen.

Central YMA vice president R Lalngheta pawhin thu sawiin, CYMA hnuaia SRS chu tun hnaiah thuam chak a nih thu a sawi a, "Mi 40 ni ṭhin chu mi 80 vel an ni tawh," a ti a; END mi leh sate chu ram hmangaihna nena ruihhlo do turin a ngen a ni.

Share this Post