Amitabh Bachchan-a'n Assam tuilian tuarte a ṭanpui

Bollywood legend Amitabh Bach­chan chuan, Assam-a tuilian tuarte 

ṭan­pui nan cheng nuai 51 a pe.  Assam-a tuilian tuarte hi ṭanpui zel turin midangte pawh a chah.

Assam chief minister Sarba­nanda Sonowal chuan Twitter-ah, Amitabh Bachchan-a'n tuilian tuarte a ṭanpuina cheng nuai 51, Chief Minister Relief Fund-ah a pe chu a lawm thu a sawi. 

Bollywood superstar Akshay Kumar pawhin Assam tuilian tuarte tan hian cheng vaibelchhe khat a lo pe tawh bawk.

Indian cricketer Riyan Parag Das pawhin, CMRF-ah hian cheng nuai khat a donate. Indian filmmaker Rima Das-in cheng nuai khat leh actor Seema Biswas-in cheng nuai nga an pe bawk. Tunhnaia lar em em Assam sprinter Hima Das pawhin, a thlakhat hlawh chanve chu an state-a tuilian tuarte tan a hlan. 



Share this Post

Login to comment
No Comments