Zote Honda Ṭhazual Lengzem-ah Josephine Lalawmpuii bawkin ro a rel leh a, 'Khep khep maia' tih hla chu mipuiin an la ngaithla ning thei lo.

Pahnihnaah hian chart hmasaa palina Priscilla Fanai 'Ka duh leh duh loh' chu a rawn inhlangkai a, pathumnaah hian Seraphic Choir 'Medley' a rawn invawrh chho bawk. 

'Khep khep maia' bawk

A hla thu hrim hrim pawh hian mi a ko nghal a, a video phei chuan mit a titlai hle. Josephine-i hian YouTube comedian Kapi, Kungi leh Hrangi-te a thawhpui bawk a, anni an lo zei bawk nen en a manhla hle.

Myztic Sailo hla phuah bawk a ni a, ani hla phuah hi a nalh viau zel mai a, tunlai ṭhalaite rilrem zawng taka hla phuah hi a thiam ve hrim hrim bawk a ni. A satu hian a thiam bawk nen, music video tihchhuah a nih aṭang khan chart-ah hian a lang nghal thuai a, hma sawn zelin, chart-ah hian a zawnin pakhatna dinhmun a luah thei ta a ni.

Priscilla-i leh Seraphic 

Choir-ten thlan an hlawh

Chart hmasa lama palina Priscilla Fanai 'Ka duh leh duh loh' chu palina aṭangin pahnihnaah a rawn inhlangkai a, chumai a la ni lo, Seraphic Choir-te pawh parukna aṭang­in pathumnaah an invawrh chho bawk.

Priscilla Fanai hla hi mipuiin an hlut zual zel tih a hriat a, chutiang bawkin Seraphic Choir 'Medley' pawh hian hma a sawn chho zel bawk a ni. Anni hian eng chen nge an thlen zel dawn tih chu hriat chakawm tak a ni.

Palinaah hian Zorinzuali 'Ka rawn hlan' chu a awm ve thung a, ani hi chart-a dinhmun ṭha berte pawh lo luah tawhtu a ni a, hun rei tak hnuah pawh chart-ah dinhmun ṭha pawl a la ni reng. David 'Nuimawite' pawh chart-ah panganaah a la awm ve bawk.

HT Lalthanzami 'Di rialin' chu chu pasarihna aṭangin paruknaah a rawn inhlangkai ve leh a, pasarihnaah Jenny Jathang 'Nang nen' chu a awm ve leh a ni. Anni pahnih hi chart-ah hian an cham rei tawh hle a, mipuiin an ngaithla kham thei lo tih a lang.

Lalthaa 'Ka thlang ber che' chu pariatnaah awmin, Tma chhangte 'Tawn leh che ka nuam(Lassi) chu pakuanaah a awm bawk.

Chart-ah hmel thar hmuh tur a awm leh a, chu chu Pca 'A thar leh ṭhin' a ni a, ani hian Top 10 hi a rawn khar a ni.

Share this Post