Aghanistan khawpui, Kabul-ah nimin khan hmun thumah bomb a puak a, bomb puakah hian mi 15-in nunna an chan a; midang eng emaw zatin hliam an tuar bawk.
Ministry of mines and petroleum hnathawkte chuanna bus-ah bomb pakhat chu tihpuah a ni a, bus-a chuang mi pariat an thi. Thi zingah hian hmeichhe panga leh naupang pakhat an tel. Hemi hnu lawk hian bus awmna aṭanga hla lo teah thihchilh bomb a puak zui leh a, mi pasarih thiin mi 20 velin hliam an tuar. Bomb pathumna hi car-ah tihpuah a ni.
Interior ministry thupuangtu Nasrat Rahimi chuan pawikhawihna thlenga hliam tuar zingah ngaihtuahawm tak tak an awm avangin thi zat pawh hi an la pun chhoh a rin thu a sawi.
Taliban firfiak pawl chuan car-a bomb tipuaktu an nih thu an sawi a, mahse bomb puak dang pahnihah erawh chuan an inhnamhnawih lo tih an sawi. Taliban thupuangtu Zabihullah Mujahid chuan car beihnaah hian ramdang sipai pakua an thi tih a sawi a; mahse sorkar official lam chuan hei hi an la nemnghet lo.
Login to comment
No Comments