Brazil hmarchhak lama Pernambuco khuaah Nilaini khan ruahsur nasa vangin lei a tawlh a, mi 13-in nunna an chan a, chin hriat lohin mi paruk an awm bawk. 

Pernambuco fire department chuan chhiatna thleng vang hian Recife-ah mi panga, Olinda-ah mi pathum leh Abreu e Lima-ah mi panga an thi tih a sawi.  Thi zingah hian naupang kum 15 mi pawh a tel a ni. 

Thawhlehni zan aṭang khan Brazil hmarchhak lamah hian ruah nasa takin a sur a, hei hian tuilian nasa tak a thlen zui bawk. Khaw tam takah lei a tawlh a, thingkungte a tlu nasa hle a ni. Chhiatna thleng hian Recife metropolitan area-ah nunphung a tikhaihlak nasa hle a, mi maktaduai li a nghawng. 

Recife hmunah chuan darkar ruk chhungin ruah 101 mm a sur a, khawchin zirtute chuan ruah hi a la sur chhunzawm zel dawn tih an sawi.

Share this Post