Israel sipai leh police 100 chuangte chuan Thawhṭanni khan Palestinian ho awmna, Wadi al-Hummus area-a Sur Baher khuaa chenna in eng emaw zat chu bulldozzer hmangin an ti chhia. Heng chenna-in te hi  Israel chuan Palestinian nen an inkar hung na bang (apartheid wall) an hnaih lutuk an ti a, security risk awm thei a an hriat vangin sawiselna nasa tak karah an tichhia.

Israel Supreme Court chuan an in sak dan phung chu dan lo a nih thu sawiin, thla hmasa khan July 22 chu heng chenna-in te tihchhiat ni atan a lo pawm tawh. Palestinian  lam chuan security chhuanlamin Israel chuan an chenna hmun aṭangin an hnawt chhuak lui niin an sawi thung. Israelin a ram luah chin zauh zel a tumna niin an sawi bawk. International Law hnuaiah chuan Palestinian-te hi dan phal lohna hmunah an cheng. Mahse heng chenna-in tam zawkte hi 1993 Oslo accords-ah chuan Palestinian Authority and Civilian Control hnuaia awm tur a ni.

Wadi al-Hummus Committee chairman, Ali al-Obeidi chuan remna palaite leh dan hmangin an in leh lote chu venhim tum mah se an awmna chu an tihchhiatsak vek tih a sawi. Helai hmuna khawsate chuan chenna in an neih tawh loh thu sawiin, Palestinian Authority hnen aṭangin in sak phalna an lak vek thu an sawi bawk. Mahse Israel chuan 1967- six days war aṭang khan Sur Baher hi a awp tawh. 

United Nations humanitarian coordinator, Jamie McGoldrick leh UN official-te chuan kar hmasa khan Israel thuneitute chu biain an thil tum chu ti rih lo turin an ngen. European Union pawhin Israel-Palestinian inkar boruak a tihchhiat zual phah thei tih an sawi.

Jerusalem leh West Bank hmun ṭ-

henkhatah chuan hungna bang hi concrete a ni a, Sur Bahar-ah chuan wire fences thuah hnihin sipai patrol-na tur kawngpui an karcheh a, watchtower leh electronic sensor te hmangin ven a ni bawk. 

Share this Post