Meghalaya chief minister Conrad K Sangma chuan Megha­laya aṭanga lungalhthei lakchhuah khapna hlih a nih tak avangin Coal India Ltd. hotute chu Inrinni khan kawmin, hma lak dan tur a sawipui. 

Conrad Sangma chuan Supreme Court-in lungalhthei lakchhuah khapna a hlih tak avangin Coal India official-te chu eng anga kalpui zel tur nge tih a sawipui a, meeting hlawhtling tak an nei tih a sawi nghal bawk. Meghalaya-a lungalhthei laihchhuahnaah Coal India lam nen thawhdunna ṭha tak an neih theih a beisei a ni. 

Supreme Court chuan Coal India Ltd. hnenah Meghalaya-a coal laihchhuah sate chu tihral leh hralh theihna turin thuneihna a lo pe tawh a ni. 

CM chuan an state-a lungalh­thei laihchhuah sa la awmte chu awmze nei leh ṭangkai taka tihral theih dan an ngaihtuah a beisei a, Meghalaya sorkar leh officer-te tan lungalhthei awm zat a, a neitu hming leh khawi hmun 

aṭanga laihchhuah nge tih chanchin kimchang lakkhawm chu an mawhphurhna a ni tih a sawi. 

Court chuan coal phurh chhuahna senso chu state sorkar leh Coal India-in an tum tur a ni tih a sawi a, an senso zat hi coal man an dawn khawm hnuah an lalet leh dawn a ni. 

Share this Post