Aizawl North College (ANC) chuan nimin khan Electric Veng YMA Hall-ah Fresher’s Social, Magazine Release-cum-Graduation Day 2019 an hmang a; Mizoram Youth Commission (MYC) chairman Dr Vanlalṭan­puia, MLA-in a hmanpui.

Dr Vanlaltanpuia chuan, Mizoram sor­kar­in zirlaite a ngai pawi­mawh a, zirlaite’n harsatna hrang hrang an tawhte chu rorelna in sang­ah thlen a nih thu sawi­in, ANC harsatna tawh zingah, college hmun­hma duhkhawp loh leh zirtirtu indaih lohna chung­changte chu sor­karah thlen a, har­satna sukiang tura theih­tawp chhuah a inhuam thu a sawi a; ANC-in NAAC accre­dition Grade-C a hmu chu a lawmpui thu leh hma­sawn zel tura a duhsak thu a sawi bawk.

Aizawl North College hi kum 1988-a din a ni a, a tirah chuan PU (pre-university) course chauh zirna a ni a, kum 1990-ah BA zirna hawn ṭan a ni.

Share this Post