AH&Vety department chuan July 23, Thawhlehni khan Champhaia IPR Auditorium-ah vawk pûl hri natna chi khat, African Swine Fever chungchang zirhona leh inràwn khawmna an buatsaih a, nimin khan Zokhawthar leh Hnahlanah buatsaih leh a ni a; AH&Vety additional director Dr Saihlira'n a hmanpui.

Dr Saihlira chuan, African Swine Fever chu vawk pûl hri hlauhawm tak, a vei zawng zawngin an thihpui theih natna a nih thu a sawi a, "He natna thlentu chu DNA Virus Asfivirus a ni a, vawk leh sanghal chite'n an vei ṭhin a, mihring erawh chuan an kai chhâwng ve thei lo," a ti.

AH&Vety Addl. Director sawi dan­in, African Swine Fever natna hi kum 1921-ah Africa-a hmuh chhuah a ni a; kum 2018 khan China-ah hmuh a nih leh hnuah a darh zau zel tur vèn nan vawk nuai 2,000 chuang suat a ni. Kum 2019 tir lamah Vietnam, Cambodia leh a chheh­velahte hmuh a ni leh a; Mizoram tan pawh fimkhur a ngai hle tawha ngaih a ni.

African Swine Fever inzirtirnaah hian V/C, YMA leh vawk hmanga eizawngtu ṭhahnem tak an tel.

Share this Post