Minister Dr R Lalthangliana chuan nimin chawhma lam khan New Delhi-ah DoNER secretary Dr Inderjeet Singh a hmu a, Health & Family Welfare department-in kum thum chhunga hma a lakna tur ruangám siam turin a ngen.

Dr R Lalthangliana hian US Embassy-a India leh South Asia Health Sector changtu Dr Preethi Rajaraman pawh Mizoram House-ah a kâwm a; US doctor-te nena thawhho dan tur a sawipui. Dr Preethi Rajaraman chuan hun remchang hmasaah Mizoram a tlawh tur thu a sawi.

Minister hian nimin vêk khan Ministry of Food Processing Industry secretary Pushpa Subramanian pawh a kâwm a, Mizorama thei thar sâwng­bâwl dan ṭha zawk a awm theih nana hmalakna tur hrang hrangte a sawipui a; chawhnuah Union Health & Family Welfare secretary Preethi Sudan kâwm­in, Zoram Medical College / MIMER atana hmalak chhunzawm zel dan turte a sawipui bawk.

Minister R Lalthangliana hi chief secretary Lalnunmawia Chuaungo-in a ṭawiawm a ni.

Share this Post