Hospital & Medical Education department chuan nimin khan an directorate recreation room-ah chhiat­rupna thleng thei laka invenna leh inzirtirna hun, Tabletop and Mock Drill for Disaster Management an buatsaih a; Disaster Management & Rehabilitation (DMR) aṭanga resource person Zothansanga Hmar leh Zoenmawii ten chhiatna chi hrang hrang laka inven dan leh chhiatna a thlena hmalak dan turte an hrilhfiah.

Tabletop & Mock Drill hi hun hnihah ṭhen a ni a, Mental Health (i/c Disaster Management)-in state nodal officer Dr Robert L Khawlhring-in kaihruaiin, HME director Dr T Lalhmangaihi'n a hmanpui. HME Director chuan, eng lai pawhin chhiatna a thlen thut theih avang­in inrálrin reng a ngai a, inrálrin nan leh mipui an chî-âi lohna turin inbuatsaih lâwkna mock drill buatsaih a nih thu a sawi.

Resource person Zothansanga Hmar leh Zoenmawii ten chhiatna chi hrang hrang thleng thei laka inven dan leh rua­hmann siam lâwk dan te, chhiatna a thlena chêt lâk dan tur leh chhan­chhuah hna thawh dan turte powerpoint presentation hmangin an sawifiah.

Hun hnihnaah resource person-te kaih­hruainain HME-a thawkte chu pawl pali-ah inṭhenin, chhan chhuah hna thawh dan a takin an zir a ni.

Share this Post