Congress ṭhalai, Mizoram Pradesh Youth Congress Committee (MPYCC) president Dr Lalmalsawma Nghaka chuan, Hnam Rûn (MNF pisa) list-a tel lo ṭhalai hna zawngte beisei a bo tawh tih a sawi.

MPSC-in group-B (non gazetted) hna lak a kalpui mek tihtawp a nih chungchanga nimina MPSC chairman Rev. Zosangliana Colney an hmuh zawhah Dr Lalmalsawma chuan, "Congress sorkar hnuaia dik leh fel taka kalpui, a thiam leh tlingte chauh tlinna tura dan zam sa sâwi ṭhiah zel a ni. Party mi sawipuitu 

ṭha nei ve lo, Hnam Rûn list-a tel lo hna zawngte tan beisei a bo ta. An chêt dan avang hian ṭhalai hna zawng mekte lungngaiin an rûm mek a ni," a ti.

MPYCC President chuan, MNF party-te thla sarih vel chauh an sorkar chhunga an chêt dan a uchuak hle nia sawiin, "Mipui an zah lo hle a, thil dik taka tih hi an duh lo emaw tih turin an che bawrh bawrh a ni. Primary school leh middle school zirtirtu MR-a 881 lak tur personal interview chauh paltlang tura kalpui mekte pawh hian an thil tum a tilang chiang. Zirna siamṭhat ai chuan, Hnam Run qualified hna hmu lo party mi induhsak nan hman an tum tih a chiang hle," a ti a; 'Pathian leh kan ram tan' tia au au 

ṭhin MNF chêt dan chu nuihzatthlak an tih thu a sawi.

Share this Post