July 2, 2019 zana Durtlang Leitana Basic Service to Urban Poor (BSUP) Housing Complex-a chhiatna thleng chungchang chhui tura sorkarin magisterial inquiry a din chuan a la chhui zo lo a, sorkarah hun a dil belh.

BSUP Complex-a chhiatna thleng chhui chiang tur hian Mizoram sorkar chuan July 10 khan Aizawl DC Vanlalngaihsaka a ruat a, magisterial inquiry anga a thil chhui chhuahte chu thehlut tura tih a ni a, chhuina hun atan chawlhkar hnih chhung pek a ni.

Thuthar thehdarhtute zawhna chhangin Vanlalngaihsaka chuan, chhiatna thleng chhui hna a la zawh loh thu a sawi a, "Kar khat dang hun kan dil belh a, hemi hun chhung hi chuan kan chhui zawh hman ngei kan ring," a ti.

Vanlalngaihsaka chuan, hun an dil belh chhan chu - state páwn lam mi thu zawhfiah ngai an awm vang a nih thu a sawi. Sorkarin hun a pek hmasak chawlhkar hnih chu vawiinah a tawp ang.

Aizawl DC chuan, vanduaina tâwkte zângna-dawmna an la pek loh thu a sawi a, "Hliamte chu damdawi-inah kan kan a, buaina neuh neuh kan ngah avangin ex-gratia erawh kan la inpe lo," a ti.

BSUP Housing Complex-a chhiatna thlenga thite chu Rs. 4,00,000 ṭheuha râl an nih tur thu te, hliamte chu an nat dan a zirin 

ṭanpuina pek an nih tur thute Chief Minister-in a lo sawi tawh a ni.

Share this Post