Lawngtlai-III huam chhunga lei tlakhniamna 

ṭhinah lei a min belh avang­in NH-54 kawngpui kal chu July 19, Zirtawpni zan dar 8 vel khan a chim belh a; lirthei kaltlang theih lohin khâr nghal a ni. Kawng minna lai hi bialtu MLA (Lawngtlai East) H Biakzauva'n a tlawh a, sor­kar official-te leh khaw­tlang hruaitute nen hma­lak zui dan tur an sawiho.

Lawngtlai Electric Veng leh L-III inrina bula leimin MLA-in a ennaah hian bialtu MDC T  Lal­engmuana leh Lawng­tlai-III khawtlang hruaitute leh YLA hruaitu te, Lawngtlai additional DC B Lalchhawntluanga, additional SP C Lalruatkima te, PWD leh PHE department aiawhte an tel.

Lei tla hniam huam chhunga kawngpui awm sa chu lirthei tan zawh ngam a nih loh avang leh, chhim lam tana kawngpui pawimawh tak a nih si avangin, kawng chhak lama mimal ram chu la 

ṭhenin, lirthei kal theihna turin siam phawt ni se, an ti. Kawngpui zauh hna chu July 20, Inrinni khan thawh ṭan nghal a ni.

Lawngtlai khawpui tawntirh lamah NH-54 kawngpui minna ṭhin hi May 1995 aṭanga inṭan a ni a, kum tin fûr laiin a che ṭhin. Kum 2012 khan lei tlak hniamna mawng, Khurpui kawr aṭangin check dam siam a ni a, chu chuan thui tak véng mah se, ruahsur nasat laiin a che leh hret hret 

ṭhin a ni. Lei tlahniam hian Lawngtlai Electric Venga in 18 leh Lawng­tlai-III huam chhunga in 10 a nghawng a ni.

Share this Post