India-in Britain laka zalenna a sual laia India tana zalenna sualtu Mizote zinga la dam awmchhun nia hriat Dárthâwma (98), Lunglei Chanmari chu nimin zing khan a thi a, nimin vek khan vûi a ni.

Freedom figh-ter Darthawma hi May 15, 1921-ah a piang a, kum 1939-a khawvel indopui pahnihna a chhuah hnu lawkah Mizo tlangval dang 17-te nen sipaiah ṭangin, kum 1940 khan Indian Army Medical Corps-ah an awm a; Japan rál bei turin Malaysia thliarkar pakhat, Penang-ah an kal a ni. AMC aṭangin Netaji Subhas Chandra Bose kaihhruai Indian National Army (Azad Hind Fauj) a zawm leh a, kum thum chhung INA-ah a awm.

INA-a a awm lai hian INA-te chu British sorkar kalh zawnga chê-ah puh an ni a, British sipaite'n INA mi eng emaw zat an man zingah Darthawma pawh a tel. Singapore-ah jail-ah a táng a, chumi hnuah Chittagong leh Lucknow-ahte jail-ahte a táng leh a; India ram chhung politics hmel a danglam hnu, January 15, 1945-ah Lucknow jail 

aṭangin chhuah a ni.

Darthawma hi India sorkar chuan kum 1972 khan chawimawina ropui Tamrapata a hlan a; Mizoram Governor hlui Lt.Gen. Nirbhay Sharma pawhin August 22, 2016 khan Lunglei Chanmari-a a chenna inah tlawhin, thilpek a lo hlân tawh a ni.

Share this Post