Milar hoin photo sha­ring app, Instagram an uarin an hmang ṭangkai thei viau. Hetihlai hian A-list actor Brad Pitt chuan Instagram hi a hmang ve lo a, hman pawh a la tum mai lo tih a sawi. 

E!News-in a kawm­naah Brad Pitt chuan a thil tih tum pawimawh zingah Instragram account neih chu a la tel lo a, a hmang ngai lo ang tih erawh a la chiang lo tih a sawi. "Instagram hmang lo hian ka nun hi a la nuam tawk a, neih kher a ṭulna chhan ka la hre lo a ni," a ti. 

Kum 55 mi ni tawh, Brad Pitt hi Hollywood actor lar ber zingah a la tel reng a ni. Leonardo DiCaprio nena an chan dunna,  Once Upon a Time in Hollywood chu July 26 hian theatre hrang hrangah tihchhuah a ni ang. 

Share this Post