American singer Selena Gomez chuan Thawhṭanni khan Italy khaw­pui Rome-ah a birthday a lawm.

Selena hi a ṭhiante nen Rome khawpuiah hian tual an chai lai vel hmuh a ni a, a ṭhiante zingah hian producer Andrea Iervolino pawh a tel.

Tunhnai lawk khan Selena hian social media chu thil hlauhawm tak a nih thu leh an generation tan chuan thil rapthlak tak a nih thu a lo sawi tawh a ni. 

Social media hi Mizo ṭhalai­te pawhin kan hman thiam a pawimawh hle. Instagram-a follower ngah ber pawh ni hial tawh Selena Gomez meuh pawhin social media chu thil hlauhawm a nih thu leh, thiam taka hman a pawimawh zia a lo sawi tawh a nih kha.

Hetihrual hian inṭhian ṭhatna a ngaihpawimawh thu a sawi tawh bawk a, harsatna nasa tak a tawh lai pawha a nunna chhanhimtu chu a ṭhian ṭhate an nih thu a sawi bawk. Hemi a nih avang te pawh hi a ni ang, a ṭhian ṭhate nen hian Rome khawpuiah hian nuam ti takin a birthday hi an lawm a ni.

Share this Post