NBA MVP vawi hnih leh NBA champion vawi thum ni thei, Stephen Curry leh a nupui restau­rateur, chef leh TV host Ayesha Curry-te chuan naupangten ei tur ṭha, zirna ṭha leh infiamna ṭha an neih theih dan ngaihtuah pui turin Eat, Play, Learn Foundation an din.

Kar kal ta Ningani khan he foundation hi Oakland, California-a Lakeside Park-ah tlang­zarh a ni. Stephen Curry chuan kum hnih vel zet chu an foundation chu eng lam buaipui turin nge an duh an ngaihtuah nasa hle a, midangah eng kawngin nge nghawng 

ṭha an siam theih ang tihte an ngaihtuah tih a sawi. An foundation din hian Oakland bial bik a huam rih dawn a, Curry-te nupa hian he foundation hmalakna tur hian kumtinin seven-figure donation an pe ṭhin dawn bawk. An nupa hian naupangte enkawlna ṭha tak pe a seilentir chu an dah pawimawh ber a nih avangin, hemi kawngah hian ṭan a la zui hle a ni. Curry-te hian fa pathum Riley (7), Ryan (4) leh Canon (1) an nei. 

Share this Post