Union minister of state for home Nityanand Rai chuan West Bengal hming thlak tumna avanga Constitution siam ṭhat rawtna a awm lo tih a sawi.

Nityanand Rai hian nimin khan Rajya Sabha inkhawmah hemi chungchang hi sawiin, West Bengal hming chu 'Bangla' tia thlak tura Constitution siamṭhat rawtna a awm lo tih a sawi a ni.

West Bengal sorkarin an state hming 'Bangla' tia thlak tura rawtna a siam, sorkar laipuiin a hnawlsak chungchanga zawhna awm chu chhangin, Rai chuan 'Bangla' tih chu 'Bangladesh' tih nen inanna a neih thu a sawi.

Nikum July 26 khan West Bengal Assembly chuan lungrual takin an state hming chu 'Bangla' tia thlak an rel a, he an rawtna hi Home Ministry hnenah an thlen a ni. Mahse he rawtna hi sorkar laipui chuan a pawmsak duh lo a ni.

Share this Post