Defence minister Rajnath Singh chuan tunhnaia Japan rama US president Donald Trump leh prime minister Narendra Modi-ten meeting an neihnaah khan Kashmir lam hawi engmah an sawidun lo a, hemi chungchangah hian zawhna zawh zui tur pawh a awm lo, a ti. 

US President-in PM Modi chuan  Kashmir chungchanga Pakistan nena an buaina chinfel a nih theihna tura remna palai hna thawk turin a ngen tih White House-a Pakistan prime  minister Imran Khan nen an inkawmnaah a sawi a ni. Mahse hei hi India sorkar chuan a pha nghal a, PM Modi hian hetiang ngenna hi a siam loh thu a sawi. 

Nimina Parliament inkhawmah eptu member-te chuan Trump-a thusawi chungchang hi PM Modi ngei chuan chhang a, sawifiah turin an phut. Mahse PM ni loin defence minister zawkin a sawifiah a, hei hi duh loin eptu member-te chu House aṭangin an chhuak tau a ni. 

Share this Post