Supreme Court (SC) chuan nimin khan Amrapali group company-te registration a cancel sak. In an sak mek an la zawh lohte chu National Buildings and Construction Corporation (NBCC)-te sak chhunzawm atan a dah nghal bawk.

Amrapali group-in in sakna project a kalpui mekah hian mi 40,000 chuangin pawisa an invest a, mahse heng pawisa an lak tawh ṭhenkhat chu Amrapali group company hian company dangah a lo invest tih hriatchhuah a ni. SC chuan investor-te pawisa a tihchingpen sak chungchangah Amrapali group chu chhui turin Enforcement Directorate a ti a ni. 

Real Estate Regulatory Authority hnuaiah, Amrapali group-te registration hi court chuan a cancel sak. In leitute hnen aṭanga pawisa an dawn, company danga invest nan an lo hman hi, Foreign Exchange Management Act (FEMA) leh foreign direct investment (FDI) dan kalh a nih thu court chuan a sawi.

Court chuan police-te chu hemi chungchanga thil thleng zawng zawng leh a kaihhnawihte chu chhuichiang turin a hriattir bawk. SC chuan thil serious-ah ngaiin, Amrapali group company director te, CFO leh statutory auditor-te chu a bik taka chhuichian an nih tur thu a sawi bawk.

Share this Post