National Investigation Agency ( NIA) chuan nimin khan cross-LoC(Line of Control) trade kaltlanga dan loa sum inthawn ṭhin kaihhnawihah Kashmir-a hmun pasarih an dap.

Cross-LoC trade kaltlang hian Jammu and Kashmir-a pawikhawihna thlenna atan firfiakte chuan pawisa an inthawn ṭhin nia sawi a ni a, hemi kaihhnawihah hian Pulwama leh Srinagar-a hmun pasarih NIA-te hian an dap a ni. An dap zingah hian cross-LoC traders’ association president Tanveer Wani chenna in pawh a tel nia sawi a ni.

NIA team-te bakah hian state police-te leh military force-te pawh daptu zingah hian an tel.

NIA hian a hma pawhin hemi kaihhnawihah hian thuchhuah lo siam tawhin cross-LoC kaltlang hian Pakistan aṭangin firfiakte chuan India-a pawikhawihna tur pawisa an thawn ṭhin tih thu an dawn thu an lo sawi tawh a ni.

Share this Post