Uttar Pradesh chief minister Yogi Adityanath chuan Thawhṭanni tlaia cabinet meeting an neih zawhin khawvela milim sang ber tur, Lord Ram lim siam a nih tur thu a sawi. He milim hi Faizabad district khawpui Ayodhya-ah din tum a ni a, Gujarat sorkar aṭangin technical assistance an dawng 

dawn bawk.

Adityanath chuan Lord Ram lim chu ram acre 100 a zauah din a nih tur thu sawiin, meter 251 a sang a ni dawn, a ti bawk. Siam zawh theih a nih chuan khawvela statue sang ber a ni dawn. He ruahmanna hi Ayodhya khawpui tihhmasawnna tur pakhat a nih thu a 

sawi bawk.

State Manufacturing Corporation-te kutah statue project hi pek a ni. UP sorkar hian statue dinna turte thlithlaia lo enfel tur leh zirchian ngaite lo zirchiang turin IIT Kanpur leh Nagpur-based NEERI (National Environmental Engineering Research Institute)-te a ruai bawk.

Lord Ram statue hi meter 251 a sang a ni dawn a, khawvela milim lar tak tak: Statue of Liberty, New York (metre 93); Dr BR Ambedkar statue, Mumbai (metre 137.2); Sardar Vallabhbhai Patel statue, Gujarat meter (183); Gautam Buddha statue, China (metre 208) leh Chhatrapati Shivaji Maharaj statue, Mumbai (metre 212)- te aiin a sang dawn a ni.

He statue-ah hian khualzin hip theihna tur atan digital museum, interpretation centre, library, parking, food plaza-te dah a ni dawn tih Adityanath chuan a sawi. Kumin kumtirah khan Yogi Adityanath hian  feet 7-a sang, thinga siam - Lord Ram lim chu Ayodhya-ah alo hawng tawh a ni.

Share this Post