Afghanistan southern province-a Kandahar-ah nimin khan Taliban firfiak pasarih an man tih tualchhung police-te chuan an sawi.

Police thupuangtu chuan Afghan National Police-ten firfiakte hi an man tih a sawi a, an mi mante hi hmun hrang hrang an dapna aṭanga an man a nih thu a sawi bawk. An mi mante hi firfiaka chetna tam taka inhnamhnawih-te an ni hlawm a, mi kah hlum leh bomb hmanga inbeihnaa inhnamhnawihte an ni hlawm bawk a ni.

Police-te hian AK-47 rifle pathum, remote-control bomb leh silaimu eng emaw zat an man bawk. An mi mante hi zawhna zawh chian turin a buaipuitu department hnenah an hlan nghal tih police-te chuan an sawi.

Kandahar-ah hian firfiaka chetna pawh a tlem sawt tawh hle a, thla eng emaw zat chu security force-ten firfiakte zawn hna an kalpui tawh avangin boruak pawh a ralmuang sawt hle. Mahse nimin zingah khan firfiakte chuan police office pakhat an kap hlum a, pakhatin hliam a tuar bawk.

Share this Post