Pakistan prime minister Imran Khan chuan an ram chhungah firfiak pawl hrang hrang 40 zet an awm thu a sawi. 

US Capitol Hill-a thu a sawiah, Imran Khan chuan Pakistan sorkar hmasate khan US hnenah kum 15 chhung chu thudik an hrilh lo tih sawiin, an ramah firfiak pawl hrang hrang 40 vel zet an la awm thu a sawi. Afghanistan leh Kashmir-a train, firfiak 30,000 - 40,000 vel an la awm mek a ni, a ti bawk. 

"US-in firfiak a beihna chu Pakistan chuan a thlawp reng a ni. 9/11 thil thlengah khan Pakistan chuan tih theih a nei lo a, Al-Qaeda pawlte chu Afghanistan-ah awm hmun an khuar a. Khang hunlai khan Pakistan-ah Taliban firfiak an la awm lo. Mahse US kan thlawp reng tho. Vanduaithlak taka thil a lo kal sual takah chuan kan sorkar ka dem a, US chu thudik tak kan hrilh lo a ni," tiin Imran Khan chuan 

a sawi.

Share this Post