South Korea-a Seoul presidential office chuan thuchhuah an siamah Russian official-te chuan an military jet SKorea ram china an thlawh luhtir chu an tum vang reng a ni lo tih an sawi, a ti.

Korea PO chuan Russia chu an inchhir tih sawiin technical lama buaina an tawh vangah an puh thu an tarlang.

Russia chuan hemi chung-changah hian official chuan thuchhuah engmah an la siam ve lo thung a, mahse SKorea ram chinah an jet a thlawk lut tih erawh hi chu an lo pha tawh thung.

Russia defence ministry chuan a hmaa an insawifiahnaah chuan Russia leh China chuan a 

ṭumkhatna atan joint air patrol an nei tih leh, Japan leh East China Sea tuipui chungah partrol hi an neih thu an sawi a; SKorea ram chinah chuan an thlawk lut lo tih a sawi. 

China defence ministry pawhin ram dang ram chinah eng thlawhtheihna mah a thlawk lut lo tih an lo sawi ve tawh bawk. Mahse South Korea Blue House chuan nimin khan Russia chu a inchhir thu leh a chhuizui tur thu a sawi tih a sawi ve 

leh thung.

Blue House thupuangtu  Yoon Do-han chuan,"Moscow chuan an ruahman angin an thlawhtheihna chu thlawk chu nise, hetiang hi an thleng lo ang tiin an sawi," a ti.

Eng nge thleng?

Thawhlehni zingah khan Russia bomber chu South Korea khawchhak lam, East Sea chungah ṭum hnih a thlawk lut niin South Korea sipaite chuan an sawi a, Russia bomber hnawt kir tur hian South Korean Air Force chuan F-15Ks leh F-16Ks fighter-te a tir nghal a ni. South Korean fighter-te hian warning shot pawh an kapchhuak hial a ni.

Share this Post