Russia eptu pawl hruaitu Alexei Navalny chu nimin zing khan man a ni. 

Anti-corruption campaigner, Navalny chuan nimin zinga a nupui piancham lawmna atana pangpar lei tura a chhuak chu man a nih thu a sawi. 

Eptu pawlte hian tunkar hian sorkar laka lungawi lohna lantira rally huaihawt an tum a, hei vang hian Navalny pawh hi man nia rin a ni. Kar liam ta Inrinni khan eptute hian Moscow khawpuiah local election neih chu zalen leh thianghlim neih phutin kawng an lo zawh tawh a, kawngzawhnaah hian mi 22,000 vel zet an tel a ni. 

Navalny chuan tunkar Inrinni hian Moscow mayor office bulah nawrh huaihawtna lian tham tak buatsaih leh an tum tih a sawi a, hei vang hian thuneitute lamin venthawn thilah an man nia ngaih a ni. 

Share this Post