Pakistan khaw thlanglama awm Dera Ismail Khan khawpuiah nimin khan hmun pahniha pawikhawihna thleng vangin mi pariatin nunna an chan a, mi 20 chuangin hliam an tuar. 

Nimin zing khan bike-a chuangte chuan khawpui chhunga police post chu beiin police pahnih an kaphlum. Pawikhawihtute hi an tlanchhe zui nghal a ni. Police pahnih thite ruang hi damdawi-inah lak nghal an ni a, an ruang hi an buaipui laiin damdawi-inah hian mi pakhatin bomb a pai chu a tipuak zui leh nghal bawk. Damdawi-ina bomb puak vang hian police pahnih leh civil mi pali an thi a, mi 30 chuangin hliam an tuar. 

Pakistan firfiak pawl, Tehreek-e-Pakistan chuan nimina pawikhawihna thleng hi an tih a nih thu an sawi nghal a, police-ten Dera Ismail Khan khuaa an pawl commander an thah avanga phuba an lakna a ni tih an sawi. 

Share this Post