Vanglaini - Kolasib DFA A thiam pahnih a hriat

KHAWTHLIR

Thisen pe

Hrangbana College NSS unit chuan nimin khan an college-ah blood donation camp an huaihawt a, Aizawl Civil Hospital (ACH) tan mi 175-in thisen an pe a, a petute mipa 130 leh hmeichhia 45 an ni. Nimin vek khan Assam Rifles pre-recruitment trainee-te'n ACH Blood Bank-ah thisen unit 10 an pe a; Vairengte Chhimveng Branch YMA pawhin Kolasib District Hospital tan thisen unit 12 pein, a petute mipa pariat leh hmeichhia pali an ni.

Duster khuh hawng

MJA Gen. Hqrs. president Zonunsanga Khiangte chuan nimin khan Renault showroom, Salem Veng, Aizawlah New Renault Duster khuh hawngin a tlangzarh.

Tawnluia lo haw

Deputy chief minister Tawnluia chu thla ruk vel chhung Max Hospital, New Delhi-ah cancer vanga a inenkawl hnuah nimin khan Mizoramah a lo haw. Tawnluia hi Lengpui Airport-ah minister pahnih K Lalrinliana leh TJ Lalnuntluanga, Assembly deputy speaker Lalrinawma, MLA pali Dr ZR Thiamsanga, Ramthanmawia, C Lalmuanpuia leh Lalbiakzauva, AMC mayor PC Lalhmingthanga leh deputy mayor Lalringliana te leh, MNF party mi eng emaw zatin an lo hmuak a ni.

Ex-gratia hlân

Basic Services To Urban Poor (BSUP) Housing Complex, Durtlang Leitana July 2, 2019-a chhiatna thlenga thi chhungte hnenah nimin khan Aizawl DC Vanlalngaihsaka’n sorkar aṭanga râlna ex-gratia a hlân. Ex-gratia hlanna inkhawm hi DC Conference Hall-ah neih a ni a, chhiatnaa thi pathum - Sangnghinglovi, Lalnunfeli leh Lalpeksanga chhungte hi ex-gratia Rs. 4,00,000 pek a ni.

DAWNTISEI

Kolasib DFA A thiam pahnih a hriat

Nimin khan Kolasib District Football Association buatsaih Season Opeing Tournament chu semifinal khelh a ni a, District Stadium-a inkhelah Project FC leh FC Kolasib te chuan an khingpui hnehin final an lut. July 27, Inrinni hian nomawi inchuhna inkhel neih a ni ang.

Share this Post

Login to comment

No Comments