Premier League kai thar Aston Villa chuan an squad an thuam chak zel a, an player thar pakuana ni turin Egypt international winger Trezeguet chu pound maktaduai 8.75 sengin an lalut.

Turkish club Kasimpasa aṭanga an lakluh Trezeguet hian Africa Cup of Nations-ah khan match li a khelh aṭangin goal khat a khung. Season hmasa khan Super Lig-ah match 34 khelin goal 9 a khungsak a ni.

Championship playoff aṭanga EPL khel tura inpet tling Villa hian nipui bazar chhungin - Ezri Konsa, Bjorn Engels, Tyrone Mings, Kortney Hause, Matt Tar­gett, Wesley, Anwar El Ghazi leh Jota te an la tawh a, champion lai Manchester City midfielder Douglas Luiz lalut turin Brazilian midfielder manah an inrem tawh bawk. 

Share this Post