Callum Hudson-Odoi chuan Chelsea-ah hun rei zawk cham a tum ta tih a tichiang a, season nga daih contract thar ziakin kar khatah £100,000 chuang a hlawh ang.
Kum 18 mi Hudson-Odoi hi rawlthar beiseiawm tak a ni a, mahse Blues tan khelhna hmun a chang mumal thei lo. January thla khan German champion Bayern Munich chuan pound maktaduai 35 sengin lakluh an tum tawhna chu a tlawlh.
Chelsea hian manager thar Frank Lampard an nei a, an legend hian a player chu hmabak eng tak nei leh club tana mi pawimawh a nih tur thu a sawi. Manager-in a chunga rinna a nghah ngam avangin chhuah duh tawh hian season thar ṭan hmain contract thar a ziak ang.
Lampard awm hnuah midfielder pahnih Mason Mount leh Ruben Loftus-Cheek te chuan contract thar an lo ziak tawh bawk. Blues hi player thar la thei lo tura hrem lai an nih avangin an player neih sa thlun ngheh leh loan hmanga chhuak ho koh kir hi an hna pawimawh tak a ni.
Login to comment
No Comments