Kidambi Srikanth-a'n season a hmang fuh hleithei lo, Indian shuttler pahnih inkhelah H.S. Prannoy chuan Srikanth hnehin Japan Open-ah second round a inhlangkai.

Thawhlehni zan BWF World Tour Super 750 tournament inkhelah Prannoy hian minute 59 chhungin 13-21, 21-11, 22-20 in hnehna a chang a, tun hma lama a hneh fo tawh lakah seeded pariatna Srikanth a che fuh thei lo.

World number 1 hlui Srikanth hi kuminah a khel fuh thei lo hle, kar hmasa khan Indonesia Open-ah pawh second round paltlang zo loin a tla tawh bawk - season kal laiah nomawi liantham hlawh chhuah a la nei lo a ni.

Inkhel dangah Sameer Verma pawh a chak lo, Indian shuttler hi Denmark tlangval Anders Antonsen lakah minute 46 chhungin 17-21, 12-21 in a chak lo. Mixed doubles pair Pranaav Jerry Chopra leh Sikki Reddy te pawh minute 26 chhung lekin 11-21, 14-21 in Chinese player Zhend Si Wei leh Huang Ya Qiaong te lakah an tlawm bawk.

Share this Post