GIG Motors Taekwondo Fight League-ah Armed Veng South Pasalṭha chuan an dinhmun chhaih buai phak Republic Vengthlang Fighters chu 153-145 in an hneh a, league round hmahruaitu ni chungin semifinal an lut.

Electric Veng YMA Hall-a inkhel te hi hneh loh tawng loa match thum kaltluang thei an ni a, round indawta an inlak chhawk zak zak hnuah Pasalṭha lam hian round ngana chu 41-37 a lain dinhmun duhawmah an inhlangkai - an player pawimawh K. Malsawmtluanga chu Fighter of the Night atan thlan a ni.

Pasalṭha hi hmahruaitu an nih chian avangin semifinal-ah chuan table-a palina an hmachawn dawn, nizana St Joseph's HSS RSC Fighter leh Zopa Goldsmith Chawnpui te inkhela chak zawk an hmachhawn dawn tihna a ni.

Pahnihna luahtu Republic Veng­thlang hian an hnuai chiah­a awm leh champion lai ni bawk Armed Veng Warriors an hmachhawn thung dawn, an intawn tawhnaah an hneh avangin inrintawkna an nei sang ang.

Thawhlehni zan hian cadet inelna lamah Aizawl Taekwondo Academy Electric Veng Fighters chuan Exodus English School 179-133 in an hneh ve leh bawk.

Share this Post