Indian Super League club ATK chuan season thar lo awm tur atan Australian midfielder Dario Vidosic an lalut a, mamawh hunah chuan winger atana hman theih a ni bawk ang.

Kum 32 mi Vidosic hian A-League club Mel­bourne City FC leh Bundesliga club FC Nurnberg tan pawh a khel tawh a, a tawnhriat neih hi ISL-ah a chhawp chhuak thei tura ngaih a ni.

Australia tana match 23 khel tawh Vidosic chuan, "ATK tana ka khel tur hi ka lawm, ka tan chuan chona thar a ni dawn. He club hi tun hma lama an champion tawhna ISL-ah nomawi chawipui leh ngei ka tum ang," a ti. ATK head coach Antonio Lopez chuan a player thar lakah beiseina an neih san thu a sawi ve bawk.

Share this Post