Great Britain tlangval tui hleuh chak Adam Peaty chuan World Championship-ah 100m breaststroke huang­­ah hnehna a chang leh ta a, he inelna bikah hian a zawnin a ṭum thum nan gold medal a dawng.

South Korea-a inelna neihah Thawhṭanni tlai khan final neih a ni a, kum 24 mi Peaty hian 57.14 seconds chhunga thlengin hnehna a chang. A hnungah hian a hnampui James Wilby leh China tlangval Yan Zibei te an thleng bawk.

Mipa 100m breaststroke semifinal an hleuh ṭumin Peaty hian 56.88 chhungin a hleuh thleng a, khawvelah ani chauh hi second 57 tling loa hleuh thleng thei awmchhun niin world record thar a lo siam tawh a ni.

Peaty chuan, "Inelna lian­ah kum nga chhung zet chu hnehna ka chang ve ta reng mai, ngaia neih ngawt chi a ni dawn lo. Tun aia ṭha hian ka la hleuh thei tih ka hria a, chu­mi tur chuan theihtawp ka chhuah chhunzawm dawn. Olym­pic a lo thlen leh hunah kan ram tan gold medal bakah record thar siam ka tum ang," a ti.

Share this Post