India nula bad­minton khel thiam PV Sindhu chuan nimin khan Indonesia Open, BWF Tour Super 1000 tournament final a khel a, a khingpui Akane Yamaguchi a hneh loh avangin silver medal-ah a lungawi a ṭul.

Nimin inkhel hmuh­nawm takah Sindhu hi a tir aṭangin a che feuh tawk lo, game pahnih an khelh laiin a hnufual zawkah a ṭang zel - thapui thawhin bei let viau mah se 21-15, 21-16 in a chak lo zawkah a ṭang.

Season kal laiah Sindhu hian beisei phak loin nomawi chawi a la nei lo. Indonesia Open an khelh hma hian a rilru a paukhauh thu leh, inelna hmachhawn tura a inpeih thu a sawi.

Tournament an khelhtir aṭanga semifinal thleng chuan Sindhu hi a khel 

ṭha hle, final kalkawngah hian champion tura rinkai Nozomi Okuhara chu 21-14, 21-7 in quarterfinal-ah a hneh; semifinal-ah pawh All England champion Chen Yufei chu 21-19, 21-10 in a hneh hial bawk.

Mahse, a pawimawh ber nomawi inchuhna inkhelah Sindhu hian tihsual a ngah a, a tihsual vanga a khingpuiin point a hmuh hnem bakah dinhmun hniam zawka a awm hnua tho chhuak turin a huaisen tawk lo deuh niin a lang.

Share this Post