Yonex-Sunrise All India Sub-Junior Ranking Badminton Tournament 2019 khel turin Mizoram Badminton Association chuan Mizo naupang 17 - mipa 10 leh hmeichhia 7 a tir. Inelna hi Imphal-ah July 21-27 chhung hian neih a ni ang.

Mizo naupangte hi coach John Lalrinkima, manager Eddie Lalfel­kima leh assistant mana­ger Lalropuia ten an hruai a. Player tam zawk hi Tata Trusts hmalakna a Regional Development Center, Chanmari West a coaching kal mek niin MBA hian hmun dang aṭangin player a thlang bawk. 

MBA secretary Lal­rinzuala Pachuau chuan, "Kan naupangte luhna school Govt Mizo Hr Sec School, English Congregation, Mount Carmel, St Pauls, Synod Hr Sec, Marian High School, Public Highland, Providence, Home Misision, PES Serchhip, Little Flower Convent, Neuhof, Goodwill English Acdemy leh Carolyn Elementary School-ten exam an neih laite ni chunga phal taka an naute inkhel tura an kaltir hi kan lawm takzet. Mizoram a Badminton-in hma a sawn nana school-te nena thawhho zel an inhuam reng a, kan hnathawh min phur puitu nu leh pate chungah kan lawm bawk," tiin Vanglaini a hrilh.

Share this Post