Season thar atana inbuatsaihna Premier League Asia Trophy final-ah Wolverhampton Wanderers-in league champion lai Manchester City chu penalty shootout-ah 3-2 in an hneh.

Hongkou Football Stadium, Sanghai-a inkhelah hian hun pangngaiah 0-0 a ni a, penalty shootout-ah pet hmasa panga zinga paliin an hlah a, City tana pet hnuhnung ber kum 20 mi Lukas Nmecha pet chu Ilkay Gundogan leh David Silva te dan saktu Rui Patrício chuan dangin Wolves a chakpui.

Final-ah hian City tan Raheem Sterling chuan first half-ah penalty a hlah a, hun chanve lama khel ṭha tak Kevin de Bruyne pawh friendly match a nih angin second half-ah a inlan tawh lo.

Man City hian Nilaini tlai dar 5:30-ah Kitchee SC nen Hong Kong-ah friendly match an khel ang a, Nuno Espirito Santo kaihhruai Wolves erawh  Europa League qualifying second round-ah Ningani zanah Crusaders FC an hmachhawn ang.

Asia Trophy pathumna inchuhnaah Newcastle United-in minute 34-naa Yoshinori Muto goal hmangin West Ham 1-0 in an hneh.

Share this Post