Hero Intercontinental Cup 2019 final chu Zirtawpni zan khan khelh a ni a, North Korea chuan 1-0 a Tajikistan hnehin an champion. 

Ahmedabad khawpuia final inkhelah North Korea tan Pak Hyon-il chuan minute 71-naah goal awmchhun a khung a, Tajikistan lamin a chhanletna tur an nei lo. 

AIFF buatsaih Inter-continental Cup champion hian dollar 50,000 (Nuai 34.43) an dawng a, pahnihnain dollar 25,000 (Nuai 17.21) an dawng thung. 

Sunil Chhetri leh North Korean striker Jong Il-gwan ten goal thum ve ve khungin anni aia khung hnem an awm lo a, AFC Youth Player of the Year 2010 lo ni tawh Jong Il-gwan hi Best Player-ah thlan niin dollar 7,500 (Nuai 5.16) a dawng bawk. 

India chuan inelna hi hmachhawn mah se match thum an khelhah vawi hnih an tlawm a, vawi khat draw result neiin final an lut zo lo.

Share this Post