Meghalaya Garo Hills, Mahendraganj-ah Thawh-

ṭanni zingah khan mipui 400 vel zet thin­rimin police station an bei.

Mahendraganj-ah hian police-te hian rilru lama harsatna nei mi pakhat an kaphlum niin thu a thang vak a, hemi avang hian mipui thinrim chuan police station hi an bei ta a ni. He thil thlen hun hi dar 11 velah a ni a, district thuneitute chuan CrPC section 144 an puang zui nghal.

Mipui thinrim hian police station hi hal an tum a, lirthei ṭhenkhat phei chu an hal hman a ni. Mahse police-ten van lam hawia silai an hmehpuah hnuah mipui pungkhawmte hi an hnawtdarh ta a ni.

Buaina thlen chhan

Mahendraganj police-te hian rilru lama harsatna nei mi pakhatin chem kengin PWD kawngpui chhehvela mipuite beih a tum tih call an dawng a, a hmun an va thlen chuan police-te pawh hi beih a lo tum a ni.

Man an tumna lamah constable pakhat chu kawngsir luiah a tla palh a, a rifle thlauh chu rilru lama harsatna nei chuan lo chharin police-te chu a tin a; sub-inspector chuan van lam hawia silai a hmetpuak chung pawhin a rilfe ken chu a la dah duh lo. Hemi hnu hian a tlan bo zui a, zankhuaa an zawn hnu pawhin an hmu zo lo a ni.

Hetiang hi ni mah se khaw lamah chuan thuthang dik lo a lo leng nasa hle a, police-te chuan rilru lama harsatna nei hi an kaphlum niin thu a lo thang thung. 

WGH SP chuan bo­ruak an thunun tawh thu sawiin, rilru lama harsatna nei pawh chu an la zawn mek thu a sawi. 

Share this Post