Manipur khawpui, Imphal-ah August 5 hian Visa Facilitation Services (VFS) centre hawn a ni dawn a, he centre aṭang hian ram 45 tana visa pekchhuah theih a ni ang. 

Chief minister N Biren Singh chuan Thawhṭannia chief minister secretariat-a neihnaah he thu hi a sawi a, VFS centre hawn tur hi hmarchhak biala visa centre hmasa ber tur a nih thu a sawi nghal bawk. 

Secretariat-a inkhawm buatsaihah hian CM chuan self-help group 155 leh mimal 16-te hnenah loan, cheng vaibelchhe 2.58 a sem nghal bawk. Heng loan hi Meeyamgi Numit and Hill Leaders' Day kaltlanga dil an ni a, sangha mantu 38 hnenah loan hi pek an ni bawk. 

Thawhṭanni vek khan CM chuan Manipur Press Club, Imphal-ah kum 2009, July 23-a BT-Road a chhun khaw en laia dawt hmanga inbeihna thlenga thah zinga pakhat, Th Rabina pasal Th Chinglensana appointment order chu a hlan bawk. Manipur sorkar chuan Chinglensana hi police department-a assistant sub-inspector-ah dahin, CID(SB)-ah post a ni. Kum 2018, December 22-a state cabinet meeting chuan Th Rani pasal hnena sorkar hna pek hi a lo pawmpui tawh a ni. 

Share this Post