Gunupati Venkata Krishna (GVK) 108 Emergency Mana­gement and Research Institute (EMRI) a hnathawkte chu kar hmasa Zirtawpni aṭang khan field staff 12 ban duh loh vangin an nuar a, mahse sorkar hotute nen an inbiak hnuah Nimin khan nawrh an titawp.

EMRI field staff 12-te hi management-in an transfer order a ti chhuaka, mahse heng staff-te hian order an zawm duh loh vangin management hian a ban ta a ni. EMRI hnathawkte erawh chuan transfer luih an ni chu inhremna ang mai a nih thu an sawi.

Meghalaya  EMRI Workers’ Union (MEWU) president, Rishot Kharraswai chu health minister AL Hek nen an inkawm a, Meghalaya sorkar chu hnathawkte manganna chhuichiangtu tur committee din turin Health Minister hian a ti a ni. He committee hi Health Secretary-in a kaihruai dawn a, Labour Department, Transport Department, EMRI management leh hnathawkte aiawh ṭheuh an tel bawk.

Health Minister chuan ma­nagement lam chu biain hna­thawk an banna chu hnukkir leh turin a hriattir tih Kharraswai chuan a sawi. Nimin 

aṭang khan hna an ṭan leh ang.

EMRI hian management lamin an thil phut tam tak an tih hlawhtlin lohte pawh an sawi chhuak a; an hlawh tih punte, hnathawktu tih punte, staff member transfer pawh tualchhung leh tualchhung inkarah chauh ni se, tihte a ni. 

MEWU chuan Meghalaya sor­kar chu funding GVK EMRI-a an pek tho avangin emer­gency service chu an thu­hnuaia awm tura la turin an ngen. 

Share this Post